ഓസ്ലോ: ഇന്ത്യൻ ഗ്രാൻഡ്മാസ്റ്റർ ആർ. പ്രജ്ഞാനന്ദ നോർവെ ചെസ് ടൂർണമെന്റിൽ കിരീടം ചൂടി ചരിത്രം കുറിച്ചു. നോർവെ ചെസ് കിരീടം നേടുന്ന ആദ്യ ഇന്ത്യൻ താരമെന്ന നേട്ടമാണ് പ്രജ്ഞാനന്ദ സ്വന്തമാക്കിയത്.
അവസാന റൗണ്ടിൽ ജർമ്മനിയുടെ വിൻസെന്റ് കെയ്മറെ ക്ലാസിക് ഗെയിമിൽ പരാജയപ്പെടുത്തിയാണ് പ്രജ്ഞാനന്ദ ചാമ്പ്യനായത്. ടൂർണമെന്റിന്റെ ആദ്യഘട്ടത്തിൽ പിന്നിലായിരുന്നെങ്കിലും അവസാന നാല് ക്ലാസിക് മത്സരങ്ങളിൽ തുടർച്ചയായ വിജയങ്ങളിലൂടെ അദ്ദേഹം ഒന്നാം സ്ഥാനത്തേക്ക് കുതിച്ചുകയറി.
ചെസ് ലോകത്തെ ഇതിഹാസ താരമായ മാഗ്നസ് കാർൽസൻ, ലോക ചാമ്പ്യൻ ഡി. ഗുകേഷ്, ഫ്രാൻസിന്റെ അലിറെസ ഫിറൂസ്ജ, ജർമ്മനിയുടെ വിൻസെന്റ് കെയ്മർ എന്നിവർക്ക് എതിരായ വിജയങ്ങളാണ് പ്രജ്ഞാനന്ദയുടെ കിരീടനേട്ടത്തിന് അടിത്തറയായത്.
ടൂർണമെന്റിൽ മാഗ്നസ് കാർൽസനെ രണ്ട് തവണ തോൽപ്പിച്ചും പ്രജ്ഞാനന്ദ ശ്രദ്ധേയനായി. വർഷങ്ങൾക്കു മുമ്പ് വിശ്വനാഥൻ ആനന്ദിന് ശേഷം ഒരു ടൂർണമെന്റിൽ കാർൽസനെ രണ്ട് തവണ വീഴ്ത്തുന്ന ഇന്ത്യൻ താരമെന്ന നേട്ടവും അദ്ദേഹത്തെ തേടിയെത്തി.
അമേരിക്കൻ താരം ഹികാരു നകാമുറയും വെസ്ലി സോയും ശക്തമായ വെല്ലുവിളി ഉയർത്തിയെങ്കിലും അവസാന റൗണ്ടിലെ ഫലങ്ങൾ പ്രജ്ഞാനന്ദയ്ക്ക് അനുകൂലമായി. 18 പോയിന്റോടെയാണ് ഇന്ത്യൻ താരം കിരീടം ഉറപ്പിച്ചത്.
More Read
ഈ വിജയത്തോടെ പ്രജ്ഞാനന്ദയ്ക്ക് വൻ സമ്മാനത്തുകയും ലഭിക്കും. ലോക ചെസിലെ പുതിയ ശക്തിയായി ഉയർന്നുവരുന്ന യുവതാരത്തിന്റെ കരിയറിലെ ഏറ്റവും വലിയ നേട്ടങ്ങളിലൊന്നായാണ് ഈ കിരീടവിജയം വിലയിരുത്തപ്പെടുന്നത്.
English Summary:
Indian chess prodigy R Praggnanandhaa created history by winning the Norway Chess title, becoming the first Indian to achieve the feat. He secured the championship after defeating Germany’s Vincent Keymer in the final round. Praggnanandhaa’s remarkable run included victories over top players such as Magnus Carlsen, D Gukesh and Alireza Firouzja.
