കൊച്ചി: CMRL–Exalogic സാമ്പത്തിക ഇടപാടുകളുമായി ബന്ധപ്പെട്ട കള്ളപ്പണക്കേസിൽ പ്രതിപക്ഷ നേതാവ് പിണറായി വിജയന്റെ മകൾ ടി. വീണ എൻഫോഴ്സ്മെന്റ് ഡയറക്ടറേറ്റിന് (ഇ.ഡി.) മുന്നിൽ ഹാജരായി. കേസുമായി ബന്ധപ്പെട്ട് വീണയെ ഇ.ഡി. വിശദമായി ചോദ്യം ചെയ്യുമെന്നാണ് വിവരം.
ഈമാസം 12-ന് കൊച്ചി ഇ.ഡി. ഓഫീസിൽ ഹാജരാകാൻ നോട്ടീസ് നൽകിയിരുന്നെങ്കിലും, ആരോഗ്യപ്രശ്നങ്ങൾ അറിയിച്ചതിനെ തുടർന്ന് ഇന്ന് ഹാജരാകാൻ നിർദേശിക്കുകയായിരുന്നു. ഇതിന്റെ അടിസ്ഥാനത്തിലാണ് വീണ ഇന്ന് ഇ.ഡി. ഓഫീസിൽ എത്തിയത്. ഓഫീസ് പരിസരത്ത് ശക്തമായ സുരക്ഷ ഒരുക്കിയിട്ടുണ്ട്.
CMRL–Exalogic ഇടപാടുകളിൽ സേവനമൊന്നും നൽകാതെ 2.78 കോടി രൂപ ലഭിച്ചതായും, സഹോദര സ്ഥാപനത്തിന്റെ അക്കൗണ്ടിൽ നിന്ന് 50 ലക്ഷം രൂപ വായ്പയായി ലഭിച്ചതായും ഇ.ഡി. ആരോപിക്കുന്നു. ഈ തുകകൾ കള്ളപ്പണനിരോധന നിയമപ്രകാരം “അനധികൃത വരുമാനം” ആയി പരിഗണിക്കാമെന്നാണ് അന്വേഷണ ഏജൻസിയുടെ നിലപാട്.
കേസുമായി ബന്ധപ്പെട്ട് സിഎംആർഎൽ കമ്പനിയുടെ ജോയിന്റ് മാനേജിങ് ഡയറക്ടർ ശരൺ എസ്. കർത്ത, മാനേജിങ് ഡയറക്ടർ എസ്.എൻ. ശശിധരൻ കർത്തയുടെ ഭാര്യ ജയ എസ്. കർത്ത എന്നിവരെ ഇ.ഡി. കഴിഞ്ഞ ദിവസം ചോദ്യം ചെയ്തിരുന്നു.
ഇ.ഡി.യും സീരിയസ് ഫ്രോഡ് ഇൻവെസ്റ്റിഗേഷൻ ഓഫിസും (SFIO) ശേഖരിച്ച തെളിവുകളും മൊഴികളും അടിസ്ഥാനമാക്കിയാണ് നിലവിലെ ചോദ്യം ചെയ്യൽ നടപടികൾ മുന്നോട്ടുപോകുന്നത്.
More Read
English Summary:
T. Veena appeared before the Enforcement Directorate (ED) in Kochi in connection with the CMRL–Exalogic money laundering case. The ED alleges irregular financial transactions worth ₹2.78 crore and will further question her based on evidence collected during the investigation.
cmrl-exalogic-case-t-veena-appears-before-ed-kochi
ED, CMRL, Exalogic, T Veena, money laundering case, Kochi, Enforcement Directorate, SFIO, Kerala news, financial investigation
