തിരുവനന്തപുരം: നിയമസഭയിലെ എൻഡിഎ നിയമസഭാ കക്ഷി നേതാവായി ചാത്തന്നൂർ എം.എൽ.എ ബി.ബി. ഗോപകുമാറിനെ തെരഞ്ഞെടുത്തു. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖരൻ ആണ് പ്രഖ്യാപനം നടത്തിയത്.
അടുത്തിടെ നടന്ന സ്പീക്കർ തെരഞ്ഞെടുപ്പിൽ എൻഡിഎയുടെ സ്ഥാനാർഥിയായും ബി.ബി. ഗോപകുമാർ മത്സരിച്ചിരുന്നു.
മുൻ കോൺഗ്രസ് നേതാവായ ഗോപകുമാർ പിന്നീട് ബിജെപിയിൽ ചേർന്ന് പാർട്ടിയുടെ പ്രധാന നേതാക്കളിലൊരാളായി ഉയർന്നു. നിലവിൽ ബിജെപി മേഖലാ പ്രസിഡന്റും എസ്.എൻ.ഡി.പി യോഗം ചാത്തന്നൂർ യൂണിയൻ പ്രസിഡന്റുമായ അദ്ദേഹം, ചാത്തന്നൂർ എസ്.എൻ ട്രസ്റ്റ് സ്കൂളിന്റെ മുൻ പ്രധാനാധ്യാപകനുമാണ്.
മൂന്ന് അംഗങ്ങൾ മാത്രമുള്ള എൻഡിഎ നിയമസഭാ കക്ഷിക്ക് നേതാവിനെ നിശ്ചയിക്കുന്നതിൽ ഉണ്ടായിരുന്ന കാലതാമസം രാഷ്ട്രീയ ചർച്ചകൾക്ക് വഴിവച്ചിരുന്നു. ഇതിന് വിരാമമിട്ടുകൊണ്ടാണ് ബി.ബി. ഗോപകുമാറിനെ കക്ഷി നേതൃസ്ഥാനത്തേക്ക് തെരഞ്ഞെടുത്തത്.
Chathannoor MLA B.B. Gopakumar has been elected as the NDA Legislature Party leader in the Kerala Assembly. BJP state president Rajeev Chandrasekhar announced the decision.
