തിരുവനന്തപുരം: ചിറയിൻകീഴിൽ പാമ്പുകടിയേറ്റ് മരണം. പാമ്പുപിടിത്തക്കാരനായ 33കാരനാണ് ചികിത്സയിലിരിക്കെ മരിച്ചത്. ഈഞ്ചയ്ക്കൽ വലിയ ഏലായിൽ അയ്യങ്കാളി പ്രതിമയ്ക്ക് സമീപം വാടകയ്ക്ക് താമസിക്കുന്ന കണ്ണൻ എന്ന സന്ദീപാണ് മരിച്ചത്.
വീട്ടിൽവെച്ചാണ് സന്ദീപിന് പാമ്പുകടിയേറ്റത്. കഴിഞ്ഞ ദിവസം പിടികൂടിയ പാമ്പിനെ സന്ദീപ് വീട്ടിലേക്ക് കൊണ്ടുവന്നിരുന്നു. ഇതേ പാമ്പാണ് ഇന്നലെ രാത്രി സന്ദീപിനെ കടിച്ചതെന്നാണ് ലഭിക്കുന്ന വിവരം.
പാമ്പുകടിയേറ്റത് വീട്ടിൽവെച്ച്
പാമ്പുകടിയേറ്റതിനെ തുടർന്ന് സന്ദീപിനെ ഉടൻ ചിറയിൻകീഴ് താലൂക്ക് ആശുപത്രിയിൽ പ്രവേശിപ്പിച്ചു. എന്നാൽ ആരോഗ്യനില വഷളായതോടെ പിന്നീട് തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റുകയായിരുന്നു.
തുടർന്ന് ചികിത്സയിലിരിക്കെ ഇന്ന് പുലർച്ചെയാണ് മരണം സംഭവിച്ചത്.
സംഭവത്തിൽ കൂടുതൽ വിവരങ്ങൾ ലഭ്യമായിട്ടില്ല
സംഭവവുമായി ബന്ധപ്പെട്ട കൂടുതൽ വിവരങ്ങൾ നിലവിൽ ലഭ്യമായിട്ടില്ല. വീട്ടിലെത്തിച്ച പാമ്പിൽ നിന്നാണ് കടിയേറ്റതെന്നാണ് പ്രാഥമിക വിവരം.
സന്ദീപിന്റെ ഭാര്യ രജനി. സംഭവത്തിൽ കൂടുതൽ വിശദാംശങ്ങൾ പുറത്തുവരാനുണ്ട്.
English Summary:
A 33-year-old snake catcher, Sandeep, died after reportedly being bitten by a snake at his rented home in Chirayinkeezhu, Thiruvananthapuram. He was first taken to Chirayinkeezhu Taluk Hospital and later shifted to Thiruvananthapuram Medical College Hospital, where he died during treatment.
