തിരുവനന്തപുരം: ഗവർണർ രാജേന്ദ്ര ആർലേക്കർക്ക് തിരുവനന്തപുരത്ത് ഔദ്യോഗിക യാത്രയയപ്പ് നൽകി. സർക്കാരുമായി ഗവർണർക്ക് ഊഷ്മളമായ ബന്ധമായിരുന്നുവെന്ന് മുഖ്യമന്ത്രി വി.ഡി. സതീശൻ പറഞ്ഞു.
ഗ്രാൻഡ് ഹയാത്ത് ഹോട്ടലിൽ സംഘടിപ്പിച്ച യാത്രയയപ്പ് വിരുന്നിൽ സംസാരിക്കുകയായിരുന്നു അദ്ദേഹം. കേരളത്തിലെ ജനങ്ങൾ നൽകിയ സ്നേഹം തിരിച്ചുനൽകുക മാത്രമാണ് താൻ ചെയ്തതെന്ന് ഗവർണർ മറുപടി പ്രസംഗത്തിൽ പറഞ്ഞു.
സർക്കാരുമായി ഊഷ്മള ബന്ധമെന്ന് മുഖ്യമന്ത്രി
സർക്കാരിന്റെയും ജനങ്ങളുടെയും നന്ദി ഗവർണറെ അറിയിക്കുന്നതായി മുഖ്യമന്ത്രി പറഞ്ഞു. പുതിയ ഉദ്യമത്തിൽ രാജേന്ദ്ര ആർലേക്കർക്ക് വിജയാശംസകളും അദ്ദേഹം നേർന്നു. കേരളത്തിന്റെ ആദരം മുഖ്യമന്ത്രിയുടെ നേതൃത്വത്തിൽ ഗവർണർക്ക് അർപ്പിച്ചു.
സാധാരണക്കാരുമായി അടുത്ത ബന്ധമെന്ന് സ്പീക്കർ
സർക്കാരുമായി ചേർന്ന് പ്രവർത്തിക്കാൻ ശ്രമിച്ച ഗവർണറാണ് രാജേന്ദ്ര ആർലേക്കറെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. സാധാരണക്കാരുമായി ഏറ്റവും അടുത്തിടപഴകിയ ഗവർണറായിരുന്നു ആർലേക്കറെന്ന് സ്പീക്കർ തിരുവഞ്ചൂർ രാധാകൃഷ്ണനും അഭിപ്രായപ്പെട്ടു.
മറുപടി പ്രസംഗത്തിൽ കേരളത്തിലെ ജനങ്ങൾ നൽകിയ സ്നേഹത്തിന് ഗവർണർ നന്ദി അറിയിച്ചു. ആ സ്നേഹം തിരിച്ചുനൽകുക മാത്രമാണ് താൻ ചെയ്തതെന്നും അദ്ദേഹം പറഞ്ഞു.
More Read
യാത്രയയപ്പ് വിരുന്നിൽ പ്രമുഖർ പങ്കെടുത്തു
മന്ത്രിമാരായ സണ്ണി ജോസഫ്, ബിന്ദു കൃഷ്ണ, അനൂപ് ജേക്കബ്, എം. ലിജു എന്നിവരും എംഎൽഎമാരായ എം. വിൻസെന്റ്, വി. മുരളീധരൻ, സുധീർഷാ പാലോട് എന്നിവരും ചടങ്ങിൽ പങ്കെടുത്തു. മേയർ വി.വി. രാജേഷും യാത്രയയപ്പ് വിരുന്നിനെത്തി.
അഡീഷണൽ ചീഫ് സെക്രട്ടറിമാരായ മിൻഹാജ് ആലം, എ.പി.എം. മുഹമ്മദ് ഹനീഷ്, ഡിജിപി റവാഡ ചന്ദ്രശേഖർ, എഡിജിപി പി. വിജയൻ, ജിഎഡി പ്രിൻസിപ്പൽ സെക്രട്ടറി ഡോ. ബി. അശോക് എന്നിവരും മുതിർന്ന ഐഎഎസ് ഉദ്യോഗസ്ഥരും ഗവർണറുടെ സ്റ്റാഫംഗങ്ങളും സർക്കാർ പ്രോട്ടോക്കോൾ ഉദ്യോഗസ്ഥരും ചടങ്ങിൽ സന്നിഹിതരായിരുന്നു.
English Summary : Governor Rajendra Arlekar was given an official farewell at a function in Thiruvananthapuram. Chief Minister V.D. Satheesan described the relationship between the Governor and the government as cordial and conveyed the government’s gratitude and best wishes. Arlekar said he had only returned the affection shown to him by the people of Kerala.
