സുൽത്താൻ ബത്തേരി: മൂന്നാറിലേക്ക് വിനോദയാത്ര പോയി മടങ്ങുകയായിരുന്ന കർണാടക സ്വദേശികൾ സഞ്ചരിച്ച ട്രാവലർ തലകീഴായി മറിഞ്ഞുണ്ടായ അപകടത്തിൽ രണ്ട് പേർ മരിച്ചു. പുലർച്ചെ 1.45ഓടെ സുൽത്താൻ ബത്തേരി 54-ാം മൈലിലാണ് അപകടമുണ്ടായത്. കർണാടക സ്വദേശിയായ രഞ്ജിത്ത് (40), മൈസൂരു സ്വദേശി ഭരത് എന്നിവരാണ് മരിച്ചത്.
മാണ്ഡ്യ സർവകലാശാലയിലെ വിദ്യാർഥികൾ വാഹനത്തിൽ
കർണാടകയിലെ മാണ്ഡ്യ സർവകലാശാലയിൽനിന്ന് മൂന്നാറിലേക്ക് വിനോദയാത്ര പോയ വിദ്യാർഥികളാണ് ട്രാവലറിലുണ്ടായിരുന്നത്. സർവകലാശാലയിലെ 13 പി.ജി. വിദ്യാർഥികൾ, കുക്ക്, ഡ്രൈവർ എന്നിവരടക്കം 15 പേരാണ് വാഹനത്തിലുണ്ടായിരുന്നത്. മരിച്ച രഞ്ജിത്ത് ട്രാവലറിന്റെ ഡ്രൈവറായിരുന്നു.
നിയന്ത്രണംവിട്ട് തലകീഴായി മറിഞ്ഞു
പുലർച്ചെ 1.45ഓടെ നിയന്ത്രണംവിട്ട ട്രാവലർ തലകീഴായി മറിയുകയായിരുന്നുവെന്നാണ് ലഭിക്കുന്ന വിവരം. അപകടത്തിന്റെ കാരണം സംബന്ധിച്ച കൂടുതൽ വിവരങ്ങൾ പുറത്തുവന്നിട്ടില്ല.
More Read
വാഹനം വെട്ടിപ്പൊളിച്ച് യാത്രക്കാരെ പുറത്തെടുത്തു
അപകടമുണ്ടായ ഉടൻ സ്ഥലത്തെത്തിയ നാട്ടുകാരും അഗ്നിരക്ഷാസേനയും ചേർന്നാണ് രക്ഷാപ്രവർത്തനം നടത്തിയത്. വാഹനം വെട്ടിപ്പൊളിച്ചാണ് അകത്തുണ്ടായിരുന്നവരെ പുറത്തെടുത്തത്. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. ഇവരുടെ ആരോഗ്യനില സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.
English Summary:
Two people died after a traveller van carrying Karnataka residents returning from a trip to Munnar overturned near Sultan Bathery’s 54th Mile at around 1:45 a.m. The deceased were identified as Ranjith, 40, the driver, and Bharat from Mysuru. The vehicle carried 13 postgraduate students from Mandya University, a cook and the driver. Local residents and fire and rescue personnel cut open the vehicle to bring the occupants out. The injured were taken to different hospitals.
