കൊച്ചി: നടിയെ ആക്രമിച്ച കേസിലെ സുപ്രധാന തെളിവായ മെമ്മറി കാർഡിലെ ദൃശ്യങ്ങൾ ചോർന്ന സംഭവത്തിൽ പുനരന്വേഷണം ആവശ്യപ്പെട്ട് അതിജീവിത നൽകിയ ഹർജി പരിഗണിക്കുന്നതിൽ നിന്ന് ഹൈക്കോടതി ജഡ്ജി പിന്മാറി. ജസ്റ്റിസ് ജോബിൻ സെബാസ്റ്റ്യനാണ് കേസിൽ നിന്ന് പിന്മാറിയത്.
ഇതുമായി ബന്ധപ്പെട്ട ഹർജി നേരത്തെ പരിഗണിച്ച സാഹചര്യത്തിലാണ് പിന്മാറ്റ തീരുമാനമെന്ന് ജഡ്ജി അറിയിച്ചു. ഇതോടെ ഹർജി ഇനി മറ്റൊരു ബെഞ്ച് പരിഗണിക്കും.
സുപ്രീംകോടതിയിലെ മുതിർന്ന അഭിഭാഷകയായ Vrinda Grover മുഖേനയാണ് അതിജീവിത ഹൈക്കോടതിയിൽ പുതിയ ഹർജി സമർപ്പിച്ചത്.
മെമ്മറി കാർഡിലെ ദൃശ്യങ്ങൾ നിയമവിരുദ്ധമായി പരിശോധിക്കുകയും ചോർന്നുപോകുകയും ചെയ്ത സംഭവത്തിൽ പ്രത്യേക അന്വേഷണ സംഘത്തെ നിയോഗിച്ച് അന്വേഷണം നടത്തണമെന്നാണ് ഹർജിയിലെ പ്രധാന ആവശ്യം. കൂടാതെ കേസ് അട്ടിമറിക്കാൻ നടന്നതായി ആരോപിക്കുന്ന നടപടികളിലും തുടരന്വേഷണം വേണമെന്നും ഹർജിയിൽ ആവശ്യപ്പെട്ടിട്ടുണ്ട്.
കഴിഞ്ഞ ദിവസമാണ് അതിജീവിത ഈ ആവശ്യങ്ങളുമായി ഹൈക്കോടതിയെ സമീപിച്ചത്. ജഡ്ജി പിന്മാറിയ സാഹചര്യത്തിൽ ഹർജി പുതിയ ബെഞ്ചിന് മുമ്പാകെ ഉടൻ ലിസ്റ്റ് ചെയ്യുമെന്നാണ് പ്രതീക്ഷ.
More Read
English Summary:
A Kerala High Court judge has recused himself from hearing the survivor’s plea seeking a fresh investigation into the alleged leak of visuals from the memory card, a crucial piece of evidence in the actress assault case. Justice Jobin Sebastian stated that he had previously dealt with a related matter and therefore withdrew from the proceedings. The petition, filed through senior advocate Vrinda Grover, seeks a special investigation into the alleged unauthorized access to the memory card and further probe into claims of attempts to derail the case.
